Tuesday, May 24, 2011

Usaping Monogamy


Nagbubukang-liwayway na naman.  At hindi pa rin ako makatulog.  :)

At dahil sadyang malikot ang aking isipan, dumako naman ito sa usapin tungkol sa pagiging "monogamous."  Pinalaki ako sa isang pamilyang monogamous.  Sa katunayan, habang lumalaki ako, wala ako narinig tungkol sa pagtataksil sa aming pamilya.  Hanggang ngayon, dala-dala ko pa rin ito.  

Kaya na rin siguro napakalaking isyu sa akin ang usapin tungkol sa mga "open relationship."  Pero habang tumatagal, ang pananaw ko na lang ay ganito: kung pareho kayo ng partner mong sumang-ayon sa ganung setup, pwes, gawin niyo.  Pero, para sa akin, ito ay isang malaking no.

Gaya ng kinagawian, naisip ko na i-Goolge ang paksang ito.  At ito ang ilan sa mga lumabas:

1 - Isang pag-aaral noong 1999 ng isang Aleman na "sexologist" kung saan sinasabi niya na 83% ng mga pinag-aralang mga bading ay may "extracurricular activities" sa labas ng kanilang mga "steady" relationships sa loob ng nakaraang 12 buwan.


2 - Isang article na sinulat noong 2008 na nagmumungkahi ng 10 hakbang na pwedeng gawin ng isang couple para maging maayos ang kanilang pagsasama, kasama na ang pag-uusap tungkol sa pagiging "open."  May binanggit din siya dito tungkol sa isang pag-aaral kung saan 75% daw ng mga maituturing na matagumpay na pagsasama ng mga bading ay "open."



3 - Isang pag-aaral ng Family Research Council kung saan inihanlintulad ang mga kasal na "straight" at nagsasamang mga bading.  Oo nga't baka may bias ito, pero, nakakapanlumo pa rin ang mga lumabas na resulta:


- 15% lamang ng mga pagsasamang bading ang tumagal ng lampas 12 taon.
- Ang average na "partnered" homosexual sa Netherlands, ayon sa isang pag-aaral, ay may 8 na sexual partners sa isang taon.
- 4.5% lamang ng mga nagsasamang bading na lampas ng isang taon ang totoong sexually monogamous (i.e sila lang talaga ang partner ng isa't isa sa loob ng panahong sila ay nagsama).


http://www.frc.org/get.cfm?i=IS04C02


4 - Isang article na nailathala sa online edition ng The Advocate, kung saan minumungkahi ang Open Relationship bilang susi sa pagtatagal ng isang pagsasamang bading.


http://www.advocate.com/News/Daily_News/2010/01/31/Open_Relationships_Key_to_Gay_Marriage/

Pag ganito nga naman ang iyong mababasa, mabilis ka nga panghinaan ng loob.  Kaya mahirap makipaglaban sa pantay na karapatang pantao para sa ating mga kabaro, dahil hindi nga naman maikakaila ang mga datos kagaya nito.  Bakit ka pa hihingi ng kasal kung mabubuwag din ito?  Bakit ka pa hihingi ng karapatang mag-alaga ng anak kung di naman pala kayo tatagal bilang isang pamilya?  


Oo, sigurado ako meron at meron pa ring success stories diyan.  Pero ika nga, sila ang exception.  Ang mga nasa taas, sila ang rule.


Ano ang nakuha ko sa aking paghahanap at pagbabasa?  Mahirap maging committed na panghabambuhay.  Hindi ito biro.  Mukhang kailangan mo talaga malampasan ang napakaraming balakid.  Naniniwala ba akong may makikilala ako na ganun din ang pananaw?  Oo, pero bihirang-bihira.  Naniniwala ba ako na kahit pareho ang aming pananaw, magiging  panghabambuhay nga ang aming pagsasama?  Mahirap magsalita nang tapos.  Aaminin ko, mas lalo akong natakot sa aking mga nabasa.


Kaya sa mga nagmamahalan diyan, sana alam niyo na ang dapat niyong gawin.  Bahala na kayo kung gusto niyong i-open yang pagsasama niyo sa iba.  Ang mahalaga, alam niyo na dapat tinatamasa niyo ang tamis ng inyong pagsasama kasi bawat segundo nito ay bihirang mahanap ng mga kagaya natin.


Yun lamang po.  Marahil, di na ako makakatulog nito.  :)



5 comments:

  1. kailangan pag nagcommit, committed talaga.
    walang agtrasan ng dahil lang sa hindi nagkasundo, o sa kung anuman. Basta kayang gawan ng paraan, gawin.

    Hindi yung may isang di pagkakasundo lang e suko na.

    ReplyDelete
  2. Ahmishooo teh ^^

    FTH na lang dun sa quote na "men are polygamous by nature"

    Para sa akin, kaya kong maging monogamous, pero hindi ako tatagal na ako lang mag isa. Alam mo naman ang kwento ko hindi ba?

    I'm sure ang mga beckie, napapagud din pagpasapasahan na lang. Kung maari pwede stick to one lang. Hindi mo man makitang totoo, di ka nag iisa sa pangarap mo.

    Nagkakataon lang. Mas marami silang options, ayaw lang nila palampasin yun.

    Kaya sa mga nakakahanap ng taong "matino at loyal" sana ingatan sila. Ganun ako dati eh. Ngayun, mas malala na ako hehehe

    Mahirap kasing maging mabait tapus hindi naman maganda ginagawa sa iyo?

    ReplyDelete
  3. I can't really stay monogamous and daming masasarap. Lalaki kasi ako at gusto lalaki din. hehehehehehe.. Woot woot..

    ReplyDelete
  4. Good you have kept ur values intact in this hard times... hard times daw oh? Hehe... Kidding aside, when one find contentment and not just happiness, that's the start of a lasting relationship. I dont believe in FOREVER anymore, only prolonged happiness. :D

    ReplyDelete