Asul

Photo courtesy of http://images2.layoutsparks.com/1/139605/blue-sadness-satiny-design.jpg

Mahilig ako sa kulay asul.  Nagsimula ito noong ako'y nagkamalay na, at ito ang kulay ng karamihan sa mga damit ko.


Natutuwa ako pag nakakakita ako ng dagat na kulay asul.  Malalim at misteryoso.  Puno ng mga bagay na maaaring mapanganib, pero maaari ring makakapukaw ng damdamin.


Nabubuhayan ako ng loob pag nakikita ko na bughaw ang langit.  Pag tumitingin ako sa itaas, sumasayaw ang diwa ko.  Ang sarap pa kumuha ng litrato.  Nakakapanggigil.


Ngunit ang asul ay kulay din ng kalungkutan at pighati.  Kulay din ng kawalan ng hininga, pati.


Ang kwarto ko ay kulay berde.  Ang suot ko ay kulay kahel.  Pero nakapalibot sa akin ang kulay asul.


Sana, paggising ko, kaya ko nang hubarin to.